Тосны ургамал тариалахаар төлөвлөсөн тариаланч гарал үүсэл, сорт нь тодорхой стандартын шаардлага хангасан импортын үрийг “Хөдөө аж ахуйн бирж” ТӨХХК-ийн арилжаагаар дамжуулан худалдан авч тариалалтыг хийнэ.

2024 оны ургацаас нөөцөлсөн гарал үүсэл нь тодорхой тосны ургамлын /хар, шар рапс/ үрээс дээж авхуулж шинжилгээнд хамруулан тарих үрийн чанарын дүгнэлт гаргуулах талаар ХХААХҮЯ-ны СХГ болон тухайн аймгийн ХХААГ-ын хяналтын хэлтэст хүсэлт гарган, итгэмжлэгдсэн лабораторийн шинжилгээнд хамруулсан шинжилгээний дүн, улсын /ахлах/ байцаагчийн дүгнэлттэй үрээр тариалалт хийнэ.

Үрийн сорт, гарал үүсэл, чанар, тариалсан талбайн хэмжээг plant.gov.mn-д тодорхой бүртгүүлсэн байна. Дээрх цахим хуудсанд бүртгэлтэй талбайгаас хураан авсан ургацаас ХХААХҮЯ-ын СХГ-ын улсын /ахлах/ байцаагч болон тухайн аймгийн ХХААГ-ын хяналтын хэлтсийн улсын /ахлах/ байцаагч нараар дээж авхуулж, итгэмжлэгдсэн лабораторийн шинжилгээнд хамруулж шинжилгээний дүн, улсын /ахлах/ байцаагчийн дүгнэлтэй ургацыг биржийн арилжаагаар дамжуулан ДОТООДЫН ҮЙЛДВЭРТ НИЙЛҮҮЛЭХ болон ЭКСПОРТЛОХ боломж бүрдэнэ.