Монгол Улсын Засгийн газрын 2022 оны 380 дугаар тогтоолоор баталсан “Ямааны ноолуурын боловсруулалт, худалдаанд мөрдөх техникийн зохицуулалт”-ыг 2025 оны 2 дугаар сарын 01-ний өдрөөс эхлэн мөрдөж эхэлсэнтэй холбогдуулан Хөдөө аж ахуйн биржээр арилжих ямааны самнасан ноолуурын болон бусад малын гаралтай түүхий эдийн чанарын баталгаажуулалтыг хангуулах, техникийн зохицуулалтыг мөрдөн ажиллаж, хяналтыг сайжруулах талаар Монголын хөдөө аж ахуйн гаралтай бараа, түүхий эд бэлтгэн нийлүүлэгч мэргэшсэн брокеруудын нэгдсэн холбоотой цахим уулзалт хийж, санал солилцлоо.